སེམས་ཅན་གསར་སྐྱེ། འཁོར་བ་ཐོག་མ། ཡོད་དམ་མེད། དོན་ཀུན་གྲུབ་པས་མདོ་སྔགས་སྣ་ཚོགས་སུ།། འཁོར་བ་ཐོག་མ་མཐའ་མ་མེད་གསུངས་ཤིང་།། རྗེས་འཇུག་དག་གིས་ཐོག་མ་མེད་ན་ཡང་།། བྱེ་བྲག་པ་ལ་མཐའ་མ་ཡོད་དོ་གསུངས།། འདི་ནི་རིགས་པས་དཔྱད་ན་དཀའ་གནད་དེ།། འཁོར་བའི་སེམས་ཅན་མུ་མེད་གྲངས་ཡས་ཀྱང་།། སེམས་ཅན་གསར་སྐྱེ་གཅིག་ཀྱང་ཡོད་མིན་པས།། སྔར་ཡོད་དེ་ལས་འཕེལ་མེད་སྨོས་ཅི་དགོས།།
ངའི་སེམས་ཁོང་གི་ཉི་མ་རྗེ་མི་ལ་ཐོས་པ་དགའ་བ་ཁྱེད་མཁྱེན་ནོ།། རྗེ་མི་ལའི་ཞབས་ལ་གསོལ་བ་འདེབས།། ངའི་ཐོས་བསམ་དོན་ལྡན་བྱིན་གྱིས་རློབས།། དུས་དེ་རིང་སྔ་འགྱུར་སྨོན་ལམ་གྱི།། ཉིན་མཐའ་མར་རིག་འཛིན་འདུས་པ་སོགས།། ཚོགས་འཁོར་ལོ་རྒྱ་ཆེར་བསྐོར་བྱས་ཏེ།། ཞག་བཅུ་པོ་མཐའ་མཇུག་ལེགས་པར་གྲུབ།། སྔོན་དམ་པའི་ཕྱག་སྲོལ་བཟང་པོ་ལྟར།། ངས་རྒོད་རྒོད་བྱས་ནས་ཆོ་ག་བཏོན།། བཏོན་བཏོན་ནས་སེམས་ལ་སྐྱོ་སྣང་ཤར།། བསྒྲིམས་བསྒྲིམས་ནས་ང་རང་ཨ་ཐང་ཆད།།
མེ་ཏོག རྒྱ་སེ་མེ་ཏོག་ཚེར་སྡོང་རྩེ་ལ་འཁྲུངས།། ཕྱིར་མིག་བལྟས་ན་ཚེར་སྡོང་རིང་པོ་ཞིག།། ད་དུང་ཚེར་སྡོང་རྩེ་ན་འཛུམ་དམུལ་དམུལ།། རྒྱ་སེ་མེ་ཏོག་མཛེས་པ་ཀུན་གྱི་ཏོག། རྒྱ་སེ་མེ་ཏོག་ཚེར་སྡོང་རྩེར་ཡོད་ཀྱང་།། ད་དུང་འཛུམ་པའི་འདབ་མ་ལྷུག་ལྷུག་གྲོལ།། ཉེ་སར་བཅར་བའི་སྐྱེས་བུ་སུ་ལ་ཡང་།། མགོ་ལྕོག་ལྡེམ་ལྡེམ་མཛེས་པའི་ཉམས་འགྱུར་སྟོན།།
༄༅། །སྟོང་ཉིད་ལུང་བསྟན་དང་རྡོ་རྗེའི་བརྡ་རྟགས་བཞུགས་སོ། ། ༄༅། །ཨེ་མ་ཧོ། །སྣང་བ་ཡབ་ལ་སྟོང་པ་ཡུམ། །སྣང་སྟོང་རིག་པའི་མཁར་སྒོ་ནས། །ཉི་མའི་འཆར་སྒོ་ཤར་ནས་ཤར། །ལྷོ་འགྲོ་དྲུག་བདེ་བའི་ཆར་ཞིག་བབས། །ནུབ་ཆུ་འཛིན་སྤྲིན་དཀར་གཡོ་ཞིང་འགུལ། །བྱང་ཕྱོགས་གཡུ་ཡི་ན་བུན་འཐིབས། །དབུས་ན་འཇའ་འོད་གུར་ཁང་ཕུབས། །འཇའ་གུར་དེ་ཡི་ནང་ཤེད་ན། །སེང་ལྕམ་གླིང་སྒྲ་ལྷངས་སེ་ལྷང༌། །རྔ་དུང་རོལ་མོ་འུ་རུ་རུ། །དར་གྱི་ཅོད་པན་སྤུངས་སེ་སྤུང། །རུས་པའི་རྒྱན་ཆ་ཁྲ་ལ་ལ། །དེ་འདྲ་ཤར་བའི་སྣང་བ་ལ། །སྐད་ཅིག་གཅིག་གི་གོང་ཐོག་ལ། །ཉི་མ་ཤར་གྱི་ཕྱོགས་རོལ་ནས། །མེ་ཞགས་འཁྱིལ་བའི་ནང་ཤེད་དུ། །མི་དམར་རྟ་དམར་ཡབ་ལེ་བ། །མདོག་དམར་གཤིན་རྗེའི་ཞལ་ངོ་ཅན། །དཔྲལ་བ་མི་མགོའི་ཏོག་གིས་བརྒྱན། །དབུ་ལ་སྦྲུལ་གྱི་ཆུན་པོས་བཅིངས། །གཡོན་པས་མི་སྙིང་དམར་པོ་ཁྱེར། །དབུགས་ཀྱི་རླངས་པ་ཀྱི་ལི་ལི། །སྐུ་ལ་བེར་ཆེན་དམར་པོ་གསོལ། །དེ་ལ་དུག་གི་རླངས་པ་འཁྲིགས། །སྙིང་ཁ་ཐུགས་གསལ་མེ་ལོང་བཏགས། །སྐུ་གསུང་ཐུགས་ཀྱི་ཡི་གེ་གསུམ། །ཕོ་རྒྱུད་པུས་མོ་གཡས་པ་རུ། །ཡི་གེ་ཧྲཱི་ཡིག་དམར་པོ་གསལ། །མོ་རྒྱུད་པུས་མོ་གཡོན་པ་ལ། །ཡི་གེ་བྷྱོ་ཡིག་ནག་པོ་རྔམ། །ཞབས་ལ་སྟག་ལྷམ་རི་མོའི་ནང༌། །ཧཱུྃ་ཕཊ་རྒྱོབ་སོད་བརྡ་ཡིག་གསལ། །
༄༅། །ནགས་སྟོད་མེ་མོ་བྲག་དཀར་གྱི་གནས་ཡིག་འགྲོ་བ་འདྲེན་པའི་ཤིང་རྟ། ཕུལ་བྱུང་ཚོགས་གཉིས་ལེགས་པར་བསྐྲུན་པའི་མཛེས་སྐུ་ལས། །ཕུལ་བྱུང་དོན་གཉིས་ལྷུན་གྱིས་གྲུབ་པའི་བརྩེ་ཆེན་གྱིས། ། འགྲོ་ཀུན་མ་རིག་བློ་མུན་སེལ་མཛད་སྟོན་མཆོག་དེས། །མི་སྣང་འབྱིན་མཛད་ཐུབ་པའི་དབང་པོར་དང་བས་འདུད། ། དྲང་ངེས་ཤེས་བྱའི་གནས་ཀུན་མ་ལུས་པ། །འགག་མེད་སྣང་འཆར་མཚན་དཔེར་རབ་རྫོགས་པ། ། གུར་གུམ་མདངས་ལྡན་རྣམ་འདྲེན་ཀུན་གྱི་ཡབ། །བཅུ་དྲུག་གཞོན་ནུའི་ལང་ཚོ་ཅན་དེར་འདུད། ། ཀ་དག་གདོད་མའི་མགོན་པོ་ཀུན་ཏུ་བཟང༌། །ལྷུན་གྲུབ་འོད་ལྔའི་དྭངས་མ་རིགས་ལྔའི་གཙོ། ། གང་འདུལ་ཐུགས་རྗེ་དེར་སྣང་རིགས་བརྒྱའི་གར། །དབྱེར་མེད་གཅིག་འདུས་རྡོ་རྗེ་འཆང་ལ་འདུད། ། ཐེག་དགུའི་གསར་རྙིང་དོན་སྟོན་བླ་མའི་ཚོགས། །ཞི་དང་ཁྲོ་བོ་རོལ་གར་ཡི་དམ་ལྷ། ། ཕྱི་ནང་བར་ཆད་ཀུན་སེལ་མཁའ་འགྲོའི་སྡེ། །རྩ་གསུམ་ཀུན་འདུས་པདྨ་ཀ་རར་འདུད། ། རྒྱ་བོད་བཞུགས་དང་འབྱོན་འགྱུར་མཁས་པའི་ཚོགས། །རིག་གནས་སྤྱི་དང་ཁྱད་པར་ངེས་དོན་ཆེ། ། མ་འོངས་འགྲོ་ལ་སྟོན་མཛད་ཆོས་ཀྱི་རྗེ། །རྗེ་བཙུན་བླ་མ་མ་ལུས་འགྲོ་བའི་སྐྱབས། །
༄༅། །སྣང་བ་ལྷར་སྒྲུབ་ཚུལ་ལ་དཔྱད་པ་རྟོག་གེས་མ་བསླད་པའི་རིག་འཛིན་གོང་མའི་ཞལ་བཅུད་དྲོན་མོ། སྣང་བ་ལྷར་སྒྲུབ་ཞེས་པའི་སྣང་བ་དང་།། སྣང་བ་ལྷར་སྒྲུབ་ཞེས་པའི་ལྷ་དེ་ཉིད།། གང་ལ་ངོས་འཛིན་རྒྱུད་གཞུང་དཀའ་བའི་གནད།། ཅུང་ཟད་དཔྱད་ལ་རྩ་གསུམ་གནང་བ་སྩོལ།། མཐུན་པར་སྣང་བའི་ཀ་བ་བུམ་པ་སོགས།། སྣང་ཡུལ་རང་མཚན་འདི་ཀ་ཡིན་པ་འམ།། འདི་ཀ་མ་ཡིན་འདི་ཡི་རང་བཞིན་ཞིག། དག་པ་ལྷ་རུ་སྒྲུབ་ཅེས་ཁ་ཅིག་རྩོད།།
༄༅། །རྒྱལ་བ་འབྲོང་ངུར་ཆོས་རྗེ་བཅོ་ལྔ་པ་ཆེན་པོར་གསོལ་བ་འདེབས་པ་བྱིན་རླབས་འདོད་འཇོ་ཞེས་བྱ་བ་བཞུགས་སོ།། རྒྱལ་ཀུན་གསང་བདག་མཁྱེན་བརྩེའི་འོད་དཀར་ལས།། གང་འདུལ་རོལ་གར་བསྟན་དང་འགྲོ་བའི་བཤེས།། འགྲོ་འདུལ་མཚན་ཅན་འབྲོང་ངུར་ཆོས་ཀྱི་རྗེར།། གསོལ་བ་འདེབས་སོ་དེང་འདིར་ཐུགས་རྗེས་དགོངས།། ཟང་ཟིང་ཁྲོད་ནས་ཞི་བའི་གོ་འཕང་བརྙེས།། བཙན་པོའི་བཙོན་ནས་དགོངས་པའི་ཀློང་ཆེན་བརྡོལ།། རྐྱེན་ངན་གསེང་ནས་དམ་པའི་འབྲས་རྟགས་ངོམས།། དོན་གྱི་ཆོས་པ་འགྲོ་འདུལ་དེང་འདིར་དགོངས།།