གཤམ་གསལ་དྲྭ་ཐག་ལ་བསྣན་ན་༼འཇམ་དཔལ་མཚན་བརྗོད་ཀྱི་འགྲེལ་ཆེན་ཚོགས་གཉིས་ལམ་བཟང་གི་དཀར་ཆག་༽ལྟ་ཀློག་དང་ཕབ་ལེན་གནང་ཐུབ།  http://drongngurchoje.net/wp-content/uploads/2019/11/01-Contents-of-Jampal-Tsenjod-Drelpa-Tsoknyi-Lamsang-28.09.2018.pdf གཤམ་གསལ་དྲྭ་ཐག་ལ་བསྣན་ན་༼འཇམ་དཔལ་མཚན་བརྗོད་ཀྱི་འགྲེལ་ཆེན་ཚོགས་གཉིས་ལམ་བཟང་གི་གཞུང་དངོས་༽ལྟ་ཀློག་དང་ཕབ་ལེན་གནང་ཐུབ། http://drongngurchoje.net/wp-content/uploads/2019/11/02-Jampal-Tsenjod-Drelpa-Tsoknyi-Lamsang-28.09.2018.pdf

༡༽ གཤམ་གྱི་དྲྭ་ཐག་ལ་བསྣན་ན་འབྲོང་ངུར་ཆོས་མཛོད་ཀྱི་པོད་དང་པོ་༼ཨེ་༽ཕབ་ལེན་གནང་ཐུབ། http://drongngurchoje.net/wp-content/uploads/2019/11/1-Drong-Ngur-Shithro-Narak-Dongtuk-Complete.pdf ༢༽ གཤམ་གྱི་དྲྭ་ཐག་ལ་བསྣན་ན་འབྲོང་ངུར་ཆོས་མཛོད་ཀྱི་པོད་གཉིས་པ་༼ཝཾ་༽ཕབ་ལེན་གནང་ཐུབ།

འདིར་བསྣན་ན་༼ཚེས་གཉིས་ཟླ་བའི་འོད་ཟེར་༽གྱི་འཁྲུལ་དེབ་ཕབ་ལེན་གནང་ཐུབ། འབྲོང་ངུར་ཆོས་རྗེ་གོང་མ་ན་རིམ་མདོར་ཙམ་གླེང་ཞིང་བཅུ་དྲུག་པ་ངོས་འཛིན་བགྱིས་ཚུལ་འཁོད་པ་ཚེས་གཉིས་ཟླ་བའི་འོད་ཟེར།      

འདིར་བསྣན་ན་༼བདེན་པའི་བཞིན་རས༽ཀྱི་འཕྲུལ་དེབ་ཕབ་ལེན་གནང་ཐུབ།

གཤམ་གསལ་དྲྭ་ཐག་ལ་བསྣན་ན་༼བཟང་སྤྱོད་སྨོན་ལམ་གྱི་འགྲེལ་ཆེན་དོན་གཉིས་ལམ་བཟང་༽ལྟ་ཀློག་དང་ཕབ་ལེན་གནང་ཐུབ། http://drongngurchoje.net/wp-content/uploads/2019/11/03-Body-Page-of-Zang-Chod-Monlam-2015.09.04.pdf སྤར་བསྐྲུན་སྔོན་གླེང། ཇི་སྙེད་སུ་དག་ཕྱོགས་བཅུའི་འཇིག་རྟེན་ན། །དུས་གསུམ་གཤེགས་པ་མི་ཡི་སེངྒེ་ཀུན། །བདག་གིས་མ་ལུས་དེ་དག་ཐམས་ཅད་ལ། །ལུས་དང་ངག་ཡིད་དང་བས་ཕྱག་བགྱིའོ། །ཞེས་མཆོད་པའི་ཚིག་གིས་རྒྱུད་དག་པར་བགྱིས་ཏེ། འདིར་སྨྲ་འདོད་པ་ནི། མཁས་བཙུན་བཟང་པོའི་བདག་ཉིད་ཆོས་སྨྲ་བའི་སློབ་དཔོན་ཆེན་པོ། རྒྱལ་བ་འབྲོང་ངུར་ཆོས་རྗེའི་སྐུ་ཕྲེང་བཅུ་དྲུག་པ་ངེས་དོན་བསྟན་པའི་རྒྱལ་མཚན་མཆོག་གིས་མཛད་པའི་བཟང་སྤྱོད་སྨོན་ལམ་གྱི་ཚིག་དོན་རྒྱ་ཆེར་འགྲེལ་བ་དོན་གཉིས་ལམ་བཟང་ཞེས་པའི་སྤར་སྐྲུན་སྔོན་གླེང་ཞིག་འབྲི་དགོས་པར་རིན་པོ་ཆེ་གང་ཉིད་ནས་བཀས་བསྐུལ་བར་ལྡོག་མ་ནུས་ཏེ་རང་བློར་གང་འཆར་སྨྲ་བར་བྱ། རིན་པོ་ཆེ་ནས་མཚོ་རྒྱལ་བཤད་སྒྲུབ་གླིང་གི་འཛིན་སྐྱོང་དང་གཞུང་ལུགས་འཆད་ཁྲིད་ཀྱི་བྱ་བ་ཆུ་རླབས་བཞིན་བྲེལ་ཟིང་ཧ་ཅང་གིས་ཆེ་ན་ཡང་། དུས་ཚོད་བར་གསེང་ཡོད་ཚད་སྤྱད་དེ་དེ་རིང་ངོམས་སུ་འོས་པའི་བཟང་སྤྱོད་སྨོན་ལམ་གྱི་འགྲེལ་པ་འདི་འདྲ་བ་ཞིག་བསྒྲུབས་ཐུབ་པ་ནི། མཛད་འཕྲིན་བླ་མེད་ཅིག་དང་བསྟན་འགྲོ་སྤྱིའི་བདེ་རྩར་ཕན་ཐོགས་ངེས་ཅན་ཞིག་འབྱུང་རྒྱུར་བཤད་མ་དགོས་པས་བཀའ་དྲིན་ཆེ་ཞེས་ཡི་རངས་བསྔགས་བརྗོད་སེམས་དབུས་ནས་ཞུ་རྒྱུ་ཡིན།

འདིར་བསྣན་ན་༼བྱ་ཚིག་གི་རྣམ་གཞག་ཞིབ་ཅིང་རྒྱས་པར་བཤད་པ་ལག་ལེན་བཅུད་བསྡུས་ཆེན་མོ་༽ཕབ་ལེན་གནང་ཐུབ།             སྔོན་གླེང་། ཁམས་སྟོད་ནགས་ཤོད་འབྲི་རུའི་ཤག་ཝ་ཐང་འབྲོང་ངུར་དགོན་གྱི་བསྟན་བདག་འབྲོང་ངུར་ཆོས་རྗེ་བཅུ་དྲུག་པ་ངེས་དོན་བསྟན་པའི་རྒྱལ་མཚན་ཞེས་མདོ་སྔགས་རིག་པའི་གནས་སྤྱི་ལ་མཁྱེན་རབ་ཀྱི་རྩལ་རྫོགས་ཤིང་བརྡ་སྤྲོད་རིག་པའི་ཚིག་དོན་གྱི་གནད་ལ་གོ་མྱོང་རྟོགས་གསུམ་གཏིང་ཚུགས་པའི་ཆོས་ཀྱི་སློབ་དཔོན་ཆེན་མོ་དེ་ཉིད་ཀྱིས། གནའ་དེང་བོད་ཀྱི་བརྡ་སྤྲོད་ཡོངས་ཀྱི་ཉིང་ཁུ་བསྡུས་ཤིང་ལག་ལེན་གཏན་ལ་ཕབ་པའི་༼བྱ་ཚིག་གི་རྣམ་གཞག་ཞིབ་ཅིང་རྒྱས་པར་བཤད་པ་ལག་ལེན་བཅུད་བསྡུས་ཆེན་མོ་༽ འདི་ཉིད་དཔར་སྐྲུན་འགྲེམས་སྤེལ་ཐུབ་པར་དགའ་བསུའི་འཚམས་འདྲི་ཞུ་རྒྱུ་ཡིན། སྔོན་འགྲོ་ཚོགས་གསུམ་གྱི་ངོས་འཛིན་ཅུང་ཟད་བཤད་པ་དང་། དངོས་གཞི་ཆིངས་ཆེན་པོ་ལྔ་ཡི་སྒོ་ནས་བྱ་བའི་ཚིག་གི་ཚོགས་རྒྱས་པར་བཤད་པའི་བོད་ཀྱི་སྒྲ་གཞུང་ཆེན་མོ་འདི་ཉིད་ནི། དགག་གཞག་སྤང་གསུམ་གྱིས་འཛིངས་ཤིང་ལག་ལེན་དངོས་ལ་ཕན་ཐོགས་མེད་པའི་ནམ་མཁའ་འདོམ་འཇལ་ལྟ་བུ་མ་ཡིན་པར་ལག་ལེན་དངོས་ལ་འཇུག་ཚུལ་ཞིབ་ཅིང་ཕྲ་བ་ནས་བྲིས་པར་མཛད་འདུག་པས། མཁས་བླུན་ཀུན་ལ་གལ་ཆེ་བའི་བོད་ཀྱི་སྒྲ་གཞུང་སྔར་མེད་ལེགས་བཤད་ཅིག་ཡིན་པར་ངེས། དེ་ཡང་བོད་ཀྱི་མཁས་པ་སྔ་མ་གང་གིའང་ཕྱོགས་སུ་མ་བཟུང་བར་ལེགས་ཆ་ཐམས་ཅད་བསྡུས་ལ། དངོས་ཡོད་བོད་རང་གི་སྐད་དང་ཡི་གེའི་འགྲོ་སྟངས་གཞིར་བཟུང་རིགས་པའི་ལམ་ནས་དཔྱད་ཅིང་། བོད་ཀྱི་ཡི་གེའི་སྦྱོར་བ་ལག་ལེན་ཐོག་ཀུན་གྱི་མིག་སྔར་འཕྲད་བཞིན་པའི་དཀའ་ངལ་རྣམས་སེལ་ཐབས་སྲོག་ཏུ་བྱས་ཏེ། ཕྱོགས་ཡོངས་ནས་སྐད་ཡིག་འབྲི་ཐབས་གཅིག་གྱུར་ཡོད་པའི་བཀའ་བསྟན་སོགས་སྔོན་གྱི་གསུང་རབ་ཁག་ལ་ཁུངས་གཏུགས་ནས་བྲིས་པར་མཛད་པ་སོགས་ཁྱད་ཆོས་དམིགས་བསལ་བ་དུ་མ་ཞིག་མངོན། སྤྱིར་ན་རིན་པོ་ཆེས་འཁྲིད་ཐབས་དམིགས་བསལ་བ་ཞིག་གི་སྒོ་ནས་སློབ་མ་བརྒྱ་ཕྲག་མང་པོར་བརྡ་སྤྲོད་རིག་པའི་སློབ་ཁྲིད་ཐེངས་མང་མཛད་པས་སློབ་མ་ཚོར་ཕན་འབྲས་ཆེན་པོ་ཐོབ་པ་ཡོངས་སུ་གྲགས་པ་ལྟར། སྤྱི་ལོ་ ༢༠༡༦ ལོར་ནང་རིག་འཆད་ཁྲིད་ཅེས་པའི་སྐད་འཕྲིན་ཚོགས་པའི་ནང་། འཛམ་གླིང་ས་ཕྱོགས་དུ་མ་ནས་བོད་ཀྱི་སྐད་ཡིག་ལ་དོན་གཉེར་ཅན་གྱི་མི་སྣ་ལྔ་བརྒྱ་ཙམ་ཞིག་ལ། རིན་པོ་ཆེ་ཉིད་ཀྱིས་ ༢༠༡༠ ལོར་བརྩམས་པའི་༼བྱ་ཚིག་གི་རྣམ་གཞག་གསལ་བར་བཤད་པ་ལག་ལེན་བཅུད་བསྡུས་༽དེ་ཉིད་དུས་ཡུན་ཟླ་བ་གསུམ་ཙམ་རིང་འཆད་ཁྲིད་གནང་བས་ཕན་འབྲས་ཆེན་པོ་བྱུང་བར་བརྟེན། གང་གི་ཐུན་མོང་མ་ཡིན་པའི་འཆད་ཚུལ་རྨད་དུ་བྱུང་བ་དག་དང་འབྲེལ་ནས་དཀའ་གནད་གསེད་བཀྲོལ་གྱི་མན་ངག་དེ་དག་ཡིག་ཐོག་ཏུ་བྱུང་ན་ཤིན་ཏུ་ལེགས་ཚུལ་ཕྱོགས་དུ་མ་ནས་ཞུ་ནན་བྱུང་བ་དང་། ཕྲན་གྱིས་ཀྱང་ཞུ་སྐུལ་ཡང་ཡང་བྱས་པ་བཅས་ལ་བརྟེན་ནས། ད་རེས་རིན་པོ་ཆེ་ནས་སྐུ་ངལ་འཛེམས་མེད་ཐོག་༼བྱ་ཚིག་གི་རྣམ་གཞག་ཞིབ་ཅིང་རྒྱས་པར་བཤད་པ་ལག་ལེན་བཅུད་བསྡུས་ཆེན་མོ་༽འདི་ཉིད་འབྲི་རྩོམ་གནང་བ་ཞིག་ཡིན། དེ་ལྟ་བུའི་རྨད་དུ་བྱུང་བའི་གཞུང་འདིའི་རྩོམ་པ་པོ་སྐུ་ན་གཞོན་པའི་སྤྲུལ་སྐུ་མཆོག་ནི། བྱིས་པའི་དུས་ནས་རིས་མེད་བཤེས་གཉེན་དུ་མའི་ཞབས་ལ་གཏུགས་ཏེ་སྨིན་གྲོལ་དང་གཞུང་ལུགས་རྒྱ་མཚོ་ལྟ་བུར་བསླབས་ཤིང་། ལྷག་པར་༸སྐྱབས་རྗེ་གྲུབ་དབང་པད་ནོར་རིན་པོ་ཆེས་བརྩེ་བས་རྗེས་སུ་བཟུང་སྟེ་སྔ་འགྱུར་མཐོ་སློབ་ཆེན་མོ་ནས་བསླབ་པ་མཐར་སོན། ལོ་གསུམ་རིང་སྔ་འགྱུར་བཙུན་དགོན་མཚོ་རྒྱལ་བཤད་སྒྲུབ་གླིང་གི་འགན་འཛིན་གྱི་ཕྱག་ལས་ལེགས་པར་གྲུབ་ནས། ད་ཆ་སྔ་འགྱུར་མཐོ་སློབ་མདོ་སྔགས་རིག་པའི་འབྱུང་གནས་གླིང་གི་འཛིན་སྐྱོང་དང་དཔེ་ཁྲིད་དགེ་རྒན། དེ་བཞིན། རྣམ་གྲོལ་གླིང་གྲྭ་ཚང་གི་ཚོགས་གཙོའི་ཐུགས་འགན་བཞེས་ནས་དམ་པའི་ངང་ཚུལ་དགུ་དང་མི་འབྲལ་བར་བཞུགས་བཞིན་པ་དང་། ཞིབ་པར་མཁྱེན་འདོད་ན་ཁོ་བོས་བྲིས་པའི་༼ཚེས་གཉིས་ཟླ་བའི་འོད་ཟེར་༽སོགས་སུ་གསལ་བས་དེར་གཟིགས་པར་ཞུའོ། །བོད་སྐད་ཡིག་རྒྱལ་ལོ།། འབྲོང་ངུར་ཕོ་ཉས། ཕྱི་ལོ་ ༢༠༡༧ ཟླ་ ༥ ཚེས་ ༡༦ ལ།

འདིར་བསྣན་ན་༼བྱ་ཚིག་གི་རྣམ་གཞག་ལག་ལེན་བཅུད་བསྡུས་ཆུང་བ་༽ཕབ་ལེན་གནང་ཐུབ། དཔར་སྐྲུན་གསལ་བཤད། ༄༅། །གངས་ཅན་པའི་སྐད་ཡིག་འདི་ཉིད་སྐྱེ་བོ་ས་ཡ་མང་པོའི་འདི་དང་ཕྱི་མའི་བདེ་དོན་དང་འབྲེལ་བ་ཡོད་པ་དང་འཛམ་གླིང་ཞི་བདེ་སྒྲུབ་པའི་ཆ་རྐྱེན་དུ་འཁོལ་ཆོག་པའི་སྐད་ཡིག་རླབས་ཆེན་ཞིག་ཡིན་པས་ཧ་ཅང་གལ་འགང་ཆེ་བ་ཞིག་ང་ཚོས་མཐོང་གི་ཡོད་ལ། འབྲོང་ངུར་ཆོས་རྗེ་བཅུ་དྲུག་པ་མཆོག་གིས་ཀྱང་སྐད་ཡིག་གི་རིན་ཐང་དང་གལ་འགང་མཁྱེན་པའི་ཐོག་ནས་བོད་དང་ཧི་མ་ལ་ཡའི་བློ་གསལ་བརྒྱ་ཕྲག་དུ་མར་ལོ་མང་འཆད་ཁྲིད་བགྱིས་པའི་ཉམས་མྱོང་དངོས་ཀྱི་ཁྲོད་ནས་༼བྱ་ཚིག་གི་རྣམ་གཞག་གསལ་བར་བཤད་པ་ལག་ལེན་བཅུད་བསྡུས།༽ཞེས་པ་འདི་བརྩམས་ཤིང་དེ་སྔོན་༼འབྲོང་དཀར་པོའི་ངུར་སྒྲ།༽ཞེས་པའི་དེབ་ནང་སྤར་བསྐྲུན་ཞུས་ཀྱང་ཡོངས་རྫོགས་འགྲིམས་ཟིན་པས། དཔེ་དེབ་ཀྱི་དཀའ་ངལ་སེལ་བ་དང་། དོན་གཉེར་ཅན་མང་པོར་ཁ་ཡོད་ལག་ཡོད་ཀྱི་དགོས་མཁོར་དམིགས་ཏེ། འདི་ཉིད་གཅིག་པུ་ཟུར་བཀོལ་གྱིས་བསྐྱར་དུ་སྤར་ཐེངས་གཉིས་པ་བྱུང་ན་ཞེས་རེ་སྐུལ་བྱུང་དོན་ལྟར། བོད་ཀྱི་སྐད་ཡིག་དང་རིག་གཞུང་ལ་ཞེན་པ་གཏིང་ནས་དཀར་བའི་ཁམས་སྟོད་གེ་སོའི་བློ་བཟང་ནས་དགའ་སྤྲོ་ཆེན་པོས་སྤར་བསྐྲུན་སྦྱིན་བདག་གནང་བར་བརྟེན་སྤར་ཐེངས་གཉིས་པ་དེབ་གྲངས་ཆིག་སྟོང་ཐམ་པ་གདང་ལ་རི་བོ་དཔེ་ཚོགས་ནས་འགྲེམས་སྤེལ་ཞུས་པ་འདིས་བོད་ཀྱི་སྐད་ཡིག་གི་དབུ་འཕང་དགུང་ལ་རེག་པའི་སྨོན་འདུན་ཤུགས་དྲག་བཅས། གདང་ལ་རི་བོ་རྩོམ་སྒྲིག་པས། སྟོན་པའི་འདས་ལོ། ༢༥༦༠ བོད་རྒྱལ་ལོ། ༢༡༤༣ རབ་བྱུང་བཅུ་བདུན་པའི་མེ་ཕོ་སྤྲེལ། བོད་ཟླ་ ༧ ཚེས་ ༥ སྤྱི་ལོ་ ༢༠༡༦ ཟླ་ ༩ ཚེས་ ༦ ལ།

འདིར་བསྣན་ན་༼འབྲོང་དཀར་པོའི་ངུར་སྒྲ་༽ཕབ་ལེན་གནང་ཐུབ། འབྲོང་དཀར་བསུ་མ། འབྲོང་དཀར་པོ། ཁྱེད་ནི་སེང་ཕྲུག་ཅིག་ཡིན་ན་གངས་སྟོད་འགྲིམ་རན་པ་དང་། སྟག་ཕྲུག་ཅིག་ཡིན་ན་རྒྱ་རྫོང་འཛིན་རན་འདུགམ་གཞི་ལྷན་སྐྱེས་ཀྱི་ཤེས་རབ་ཧ་ཅང་མྱུར་ཁར། རིག་པའི་གནས་ཕལ་མོ་ཆེར་གོ་མྱོང་རྟོགས་གསུམ་གཏིང་ཟབ་པ་དང་། རང་གི་རྣམ་དཔྱོད་རྩལ་བཏོན་གྱིས་རྩོམ་ཡིག་ལེགས་པོ་ཞིག་བྲིས་འདུག་པར་དགའ་བསུ་ཞུ། འུར་བསྟོད་ལ་མི་མཛའ་ཞིང་ངོ་སྲུང་གི་སྨྲ་སྒོར་བྱང་མ་ཐུབ་མོད། དུང་ཞེན་སེམས་ཀྱི་འོ་ཆུ་གཅིག་ཏུ་འདྲེས་ཟིན་པས་རང་རིགས་ལ་བྲིན་ཆེ་བའི་དོན་མེད་ཀྱི་བསྟོད་གླུ་ཞིག་འདིར་མི་དགོས་ཏེ་རང་བསྟོད་ནི་ནམ་ཡང་གཞན་གྱིས་ཁྲེལ་བའི་གནས་ཡིན་པས་སོ། །