Drong Ngur Choje Rinpoche has attended and successfully completed the fourth Shravasti 10-Day Meditation Training Course from October 20th to 29th, 2023. འབྲོང་ངུར་ཆོས་རྗེ་གང་ཉིད་སྤྱི་ལོ་ ༢༠༢༣ སྤྱི་ཟླ་ ༡༠ ཚེས་ ༢༠ ནས། སྤྱི་ཟླ་ ༡༠ ཚེས་ ༢༩ བར། གནས་ཆེན་མཉན་ཡོད་དུ་ཉིན་བཅུའི་རིང་མཉན་ཡོད་སྒོམ་སྒྲུབ་དགེ་རྒན་འོས་སྦྱོང་ཆེན་མོ་ཐེངས་བཞི་པར་མཉམ་ཞུགས་གནང་སྟེ། སྐབས་དེའི་སྒོམ་སྒྲུབ་ཀྱི་བྱེད་སྒོ་མཐའ་དག་ལེགས་གྲུབ་སོང་བའི་ཚད་འཛིན་ལག་ཁྱེར།
༄༄། །༧རྒྱལ་བ་རིན་པོ་ཆེའི་འཁྲུངས་སྐར་དཔེ་དེབ་དབུ་འབྱེད་དང་ཆོས་སྦྱིན་གྱིས་བསུ། དཔལ་གསང་ཆེན་སྔ་འགྱུར་བའི་ཀུན་མཁྱེན་རོང་ཀློང་རྣམ་གཉིས་ཞེས་ཉི་ཟླ་ལྟར་གྲགས་པའི་ཡ་གྱལ་ཀུན་མཁྱེན་རོང་ཟོམ་མ་ཧཱ་པཎྜི་ཏ་ཆོས་ཀྱི་བཟང་པོའི་ཞལ་སྔ་ནས་མཛད་པའི་རྫོགས་པ་ཆེན་པོའི་གཞུང་ལུགས་ཁྱད་དུ་འཕགས་པ་༼ཐེག་ཆེན་ཚུལ་འཇུག་༽ཅེས་ཡོངས་སུ་གྲགས་པ་ལ། འབྲོང་ངུར་ཆོས་རྗེ་མཆོག་གིས་བརྩམས་པའི་འགྲེལ་པ་༼དབྱིངས་རིག་ལམ་བཟང་༽ཞེས་པ་འདི་ཉིད་༧གོང་ས་༧སྐྱབས་མགོན་ཆེན་པོའི་འཁྲུངས་སྐར་གྱ་ལྔ་པ་བསུ་བའི་མཆོད་སྤྲིན་དུ། གདན་ས་ཆེན་མོ་རྣམ་གྲོལ་གླིང་གྲྭ་ཚང་གི་ཚོགས་གཞོན་མཁན་པོ་བསྟན་འཛིན་ཀུན་ཁྱབ་མཆོག་དང་གདང་ལ་རི་བོ་རྩོམ་སྒྲིག་པ་སློབ་དཔོན་བསོད་ནམས་ནོར་བུ་རྣམ་གཉིས་ཀྱིས་དབུ་འབྱེད་གནང་བ་དང་། སྔ་འགྱུར་བའི་ཆོས་སྡེ་དག་གིས་མཚོན་རིས་སུ་མ་མཆིས་པའི་ཆོས་སྡེ་ཆེ་ཁག་དང་། དཔེ་མཛོད་ཁང་། དེ་མཚུངས་གཞུང་འདིར་དོན་གཉེར་ཆེ་བའི་སློབ་གཉེར་བ་དང་བཅས་པར་ཆོས་སྦྱིན་དུ་འབུལ་ལམ་ཞུ་རྒྱུ་དང་། གལ་ཏེ་སྦྲག་ཐོག་བསྐུར་དགོས་རིགས་ཡིན་ཚེ་སྦྲག་གླ་དོ་བདག་སོ་སོས་གནང་རོགས་ཞུ་ཞིང་། ཐུགས་མཁོ་མཆིས་ཚེ་གཤམ་གསལ་གདང་ལ་རི་བོ་རྩོམ་སྒྲིག་པ་ལ་འབྲེལ་བ་གནང་རོགས་ཞུ། འདི་ལྟར་བགྱིས་པའི་དགེ་རྩས་འཕགས་མཆོག་ཕྱག་ན་པདྨོའི་སྐུ་ཚེ་བསྐལ་བརྒྱར་བརྟན་ཅིང་ཐུགས་བཞེད་མ་ལུས་ལྷུན་གྱིས་འགྲུབ་པའི་རྒྱུར་གྱུར་ཅིག ཅེས་གདང་ལ་རི་བོ་དཔེ་ཚོགས་ཀྱིས། ཕྱི་ལོ་ ༢༠༢༠ ཟླ་ ༧ ཚེས་ ༦ སྐུའི་འཁྲུངས་སྐར་ཉིན་ཕུལ། གདང་ལ་རི་བོ་རྩོམ་སྒྲིག་པ། རྒྱ་གར་ལྷོ་ཕྱོགས། འཛུམ། 7022410595རྒྱ་གར་བྱང་ཕྱོགས། ལམ་བཟང་པོ། 7807060996ཨོ་གླིང་རྒྱལ་ཁབ། འབྲོང་ངུར་ཕོ་ཉ། 0470405216གོང་གསལ་ཁ་པར་ཨང་དེ་དག་ལས་telegram དང་WhatsApp གཉིས་ཀ་འབྲེལ་མཐུད་བྱ་ཐུབ།
གདང་ལ་རི་བོ་དཔེ་དེབ་འགྲེམ་བརྡ། འབྲོང་ངུར་ཆོས་རྗེས་བརྩམས་པའི་༼བོད་ཀྱི་བརྡ་སྤྲོད་པའི་བསྟན་བཅོས་རྟགས་འཇུག་གི་བརྗོད་བྱ་སྙིང་པོ་བྱ་ཚིག་གི་རྣམ་གཞག་ཞིབ་ཅིང་རྒྱས་པར་བཤད་པ་ལག་ལེན་བཅུད་བསྡུས་ཆེན་མོ་༽དཔར་ཐེངས་དང་པོ་ཕྱི་ལོ་ 2017 ལོར་ཚར་ 1000 ཐམ་པ་དཔར་བ་དེ་ལོ་གཅིག་མ་འཁོར་གོང་ནས་ཆ་ཚང་རྫོགས་ཤིང་། ད་དུང་དོན་གཉེར་ཅན་སྤྱི་སྒེར་དུ་མ་ནས་ཐུགས་འདོད་ཆེ་བར་བརྟེན་དཔར་ཐེངས་གཉིས་པ་མི་རིང་བར་ཐོན་ལ་ཉེ་ཡོད། སྤྱི་སྒེར་སུ་ཞིག་ལ་དགོས་གལ་གཟིགས་ཚེ་གཤམ་གསལ་ཁ་བྱང་དེ་དག་ལ་འབྲེལ་བ་གནོངས་དང་སྐུ་ཉིད་ལ་ཕྱག་རོགས་ཞུ་ངེས། གདང་ལ་རི་བོ་དཔེ་ཚོགས་ནས། ༢༠༡༩། ༡༠། ༢༡ འབྲོང་ངུར་བསྟན་འཛིན་ལམ་བཟང་། སྐད་འཕྲིན་ཁ་བྱང་། drong777888 བསོད་ནམས་ནོར་བུ། སྐད་འཕྲིན་ཁ་བྱང་། Zumshor རྒྱ་གར་བྱང་ཕྱོགས་རྡ་ས། ལམ་བཟང་པོ། སྐད་འཕྲིན་ཁ་བྱང་། zhashi6392 རྒྱ་གར་བྱང་ཕྱོགས་སྦིར་ཅོན་ཏ་ར། བསྟན་འཛིན་དར་རྒྱས། ཁ་པར་ཨང་། 7033984223 རྒྱ་གར་ལྷོ་ཕྱོགས། དཀོན་མཆོག་བསམ་གཏན། ཁ་པར་ཨང་། 9148049288 རྒྱ་གར་ལྷོ་ཕྱོགས།
གསལ༌བརྡ། ༄༅།།གངས་རིའི་ལྗོངས་ཀྱི་ཆོས་རིག་ལ་ཞེན་པ་གཏིང་ནས་དཀར་བའི་རྒྱ་ཆེའི་མཁྱེན་ལྡན་རྣམས་ལ་ཞུ་གསོལ། ངེད་གདང་ལ་རི་བོ་དཔེ་ཚོགས་ནས་(འབྲོང་ངུར་ཆོས་མཛོད་)དཔེ་རྒྱུན་ཤིན་ཏུ་དཀོན་པ་པོད་ཕྲེང་བཞི་ཅན། དེབ་སྤུས་ལེགས་ཤིག་སྤར་བསྐྲུན་ཟིན་པའི་གཏམ་བཟང་དང་། དཔེ་མཛོད་ཁང་དང་། མཁས་དབང་། ཉམས་ཞིབ་པ་སོགས་ལ་དགོས་མཁོ་ཡོད་ཚེ་འབྲེལ་བ་གནོངས་དང་ཪིན་མེད་ཐོག་ལེགས་སྐྱེས་སུ་འབུལ་རྒྱུ་ཡིན། གལ་ཏེ་སྦྲག་ཁང་བརྒྱུད་གཏོང་དགོས་ཚེ་སྦྲག་གླ་དོ་བདག་སོ་སོས་གཏང་གནང་ཡོང་ངེས་ཞུ། སྒྲུབ་བརྒྱུད་སྙིང་པོ་གྱ་བ་འབྲོང་ངུར་པ་ལ་བཀའ་བབས་པའི་ཞི་ཁྲོ་ཕུར་གསུམ་དང་། དེའི་ཆ་ལག་དང་། གཞན་ཡང་རྣམ་ཐར། གནས་ཡིག མགུར་གླུ་སོགས་སྔར་ཡོངས་སུ་མ་གྲགས་ཤིང་། ལོ་རྒྱུས་དང་། རྩོམ་རིག་སྒྱུ་རྩལ་སོགས་ཀྱི་ཐད་ནས་ཀྱང་རིན་ཐང་བྲལ་ཞིང་བོད་ཀྱི་ཆོས་རིག་ཕྱོགས་ཡོངས་ནས་ཉམས་ཞིབ་འདོད་པ་དག་ལ་མེད་དུ་མི་རུང་བའི་གླེགས་བམ་ཞིག་ཏུ་འཁུམས། རིག་གསར་སྐབས་སུ་འབྲོང་ངུར་པའི་དཔེ་རྙིང་ཕལ་ཆེར་རྩ་བརླགས་སུ་སོང་བས་གྱོང་གུད་བསབ་ཐབས་དཀའ་ཡང་། བགྲང་བྱ་བཅུ་ཕྲག་གཉིས་ལྷག་རིང་ལྷག་འཕྲོ་གང་ཡོད་བཙལ་འཚོལ་གྱིས་ལག་ཏུ་སོན་པ་པོད་བཞི་ད་ཆར་དཔར་འགྲེམས་ཐུབ་པ་ནི་བོད་ཀྱི་ཆོས་རིག་གི་སྟོང་ཆ་ཞིག་ཁ་བསྐངས་བགྱིས་ཡོད་པའི་ཚོར་སྣང་དང་དགའ་སྤྲོ་འཕེལ། རང་གཞུང་ཆོས་རིག་ལས་ཁུངས་ཀྱི་ཕྱི་ལོ་ ༢༠༡༨ ལོའི་སྒྱུ་རྩལ་མ་དངུལ་ལས་གཞིའི་ཁོངས་སུ་(འབྲོང་ངུར་ཆོས་མཛོད་)འདེམས་ཐོན་བྱུང་བ་ལྟར་དཔེ་བསྐྲུན་གྱི་འགྲོ་སོང་ཡོངས་རྫོགས་གནང་བྱུང་བར་གོ་སྐབས་འདི་བརྒྱུད་ནས་བཀའ་དྲིན་ཆེ་ཞུ་རྒྱུ་དང་། གཞན་ཡང་དངོས་ཤུགས་བརྒྱུད་གསུམ་ནས་རོགས་རམ་གནང་མཁན་ཡོངས་ལའང་ཐུགས་རྗེ་ཆེ་ཞུ། ཕྱི་ལོ་ 2019 ཟླ་ 4 ཚེས་ 7 བཟང་པོར། གདང་ལ་རི་བོ་དཔེ་ཚོགས་རྩོམ་སྒྲིག་པས། འབྲེལ་བ་བྱ་ཡུལ། འབྲོང་ངུར་བསྟན་འཛིན་ལམ་བཟང་། ཁ་པར་ཨང་། 8219963162 སྐད༌འཕྲིན༌ཨང༌། drong777888 ལམ༌བཟང༌པོའི༌ཁ༌པར༌ཨང༌།7807060995 སྐད༌འཕྲིན༌ཨང༌།zhashi6392 འཛུམ༌སྐད༌འཕྲིན༌ཨང༌། Zumshor
